هیڤیا وێ ئەوە ل كەنالەكێ تەلەفزیونێ كار بكەت
ئەڤرۆ
دلڤین رەشید
مەدیاكار (ناڤین سمۆقی) د دیدارەكێ دا بۆ رۆژناما ئەڤرۆ دیاركر كو ئەو خەلكا قەزا شنگارێ یە، ئەڤە ژ سالا 2004 وەرە د بۆارێ راگەهاندنێ دا كاردكەت، ل دەستپێكی وەك پەیامنێر ل روژناما رۆژ دەست بكاری كریە، پاشی بوویە سەرنڤیسەر، پاشی چوویە رادیۆیا دەنگێ كوردستان ل شنگارێ و نوكە ل (رادیۆیا سەلام) ە.
ناڤهاتیێ گۆت: ل دەستپێكا كارێ راگەهاندنێ ئەز تووشی گەلەك ئاستەنگان بووم، بەلێ ب پشتەڤانیا مالباتا خوە شیام هەمبەری وان ئاستەنگان ب راوستم ویا بەردەوامبم، چنكو ل وی دەمی شەرم بوو ئافرەتەك د بۆاری راگەهاندنێ دا كاربكەت، ئەز دبینم نوكە دەلیڤە باشترە بۆ وان ئافرەتێن حەزا راگەهاندنێ هەین خوە پیش بێخن و هیڤی خوازم ژ دەزگەهێن راگەهاندنێ زێدەتر دەلیڤێ بدەنە وان ئافرەتێن مەدیاكار دا كو ئەو ژی بشێن پێگەهێ خوە زێدەتر دیاربكەن و ئەز دێ یا بەردەوامبم هەتا كو رۆژەكێ بشێم ل كەنالەكی تەلەفزیۆنی كاربكەم، چنكو ئەڤە ئێك ژ هیڤیێنن منە ل باشە رۆژی.
