چاڤەكێ وێ شینە و یێ دی رەشە
زنار تۆڤی:
ئیمان خەلات، خودانا چاڤێن رەنگین، زارۆیەكا گەلەك جوانە، د ژییێ چار سالییێ دایە، چاڤێن وێ دو رەنگن، ئێكێ شینە و ئێكێ رەشە، دایكا ئیمانێ بۆ رۆژناما ئەڤرۆ دبێژیت: ئیمانێ سێ خوشكێن دی هەنە، بەلێ چاڤێن وان هەموویان ئێك رەنگن و ب تنێ یێن ئیمانێ هەر چاڤەكێ وێ رەنگەكە، گەلەك كەیفا مە ب كچا مە دهێت و خەلك ژی ژبەر چاڤێن وێ گەلەك حەز ژێ دكەن. ناڤهاتییێ گۆت: دناڤ خێزان و كەسوكارێن مە دا چاڤێن كەسێ یێن وەكی یێن ئیمانێ نین و یێن هەموویان وەكی ئێكن و ئێك رەنگن و ب تنێ یێن ئیمانێ هەر ئێك ژ رەنگەكێ یە و چاڤەكێ وێ ئێكێ شینە و ئێك یێ رەشە، دیسان مە سەرەدانا نۆشدارێ چاڤان ژی كرییە و وی گۆتییە چاڤێن وێ د دروستن و چو ئاریشە لێ نینن و ئەڤ جۆرێ چاڤان گەلەك دكێمن، لەوما بۆ مە ژی وەكو دایك و بابێن ئیمانێ ئەڤ چەندە گەلەك یا خۆش بوو، كو چاڤێن وێ ب ڤی رەنگینە.
