سۆشیال مەدیا ئەگەرە باوەریا خەلكێ ب راگەهاندنێ كێم ببیت
ئەڤرۆ
دلڤین رەشید:
مەدیاكار (سەلام خێرێ عەلی) د دیدارەكێ دا بۆ روژناما ئەڤرۆ دیاركر كو ئەو خەلكێ كومەلگەها خانكێ یە، ئەڤە ژ سالا 2010 وەرە دبۆارێ راگەهاندنێ دا كاردكەت، نوكە رێڤەبەرێ كەنالێ سەما یێ نافخۆیی یە، كو یێ تایبەتە ب جڤاكێ ئێزدیان ڤە.
ناڤهاتی گۆت: جهێ داخێ یە كو نوكە سۆشیال مەدیا بوویە ئەگەرە كو باوەریا خەلكێ ب راگەهاندنێ كێم ببیت، چنكو یا ئەڤرۆ ئەم دبینین هەر كەس ل دووف زانینا خوە بزانیت راگەهاندن چیە تەڤلی ڤی بۆاری دبن و خوە دكەنە راگەهاندنكار ب رێبا ئەكاوەنتێن خوە یێن كەسێ ئەڤێ چەندێ ژی زیانەكا مەزن گەهاندیە جڤاكی و راگەهاندكارێن پیشەی، لەورا داخوازێ ژ جهێن پەیوەندیدار دكەم كو سانسۆرەك ل سەر وان كەسان هەبیت یێن نە راگەهاندنكار و ب ناڤێ راگەهاندنێ بابەتان بەلاڤ دكەن، چنكو ڤێ چەندێ كارتێكرنا خوە ل سەر جڤاكی هەیە، ژبەركو راگەهاندن پرەكە دناڤبەرا خەلكێ و دەستهەلاتێ دا
