كورتە فلمێ رەحمی عەقل یێ دهێتە چێكرن
ئەڤرۆ
هەرهین محەمەد:
دەرهێنەر (وارمان سەعید) د دیارەكێ دا بۆ رۆژناما ئەڤرۆ دیاركر كو ئەڤە دەمەكێ درێژە ئەو مژوولی چێكرنا كورتە فلمەكی یە بناڤێ (رەحمی عەقل) كو ژ بەرهەمێ حكومەتا هەرێما كوردستانێ یە و ب هاریكاریا ساڤۆ پرودەیكشن و بادینان میدیا بەرهەم ئینایە.
وارمانی گۆت: ئەڤ فلمە بەحسێ دو هەڤژینێن ب تەمەن و مۆدرێن دكەت و ژیانا ڤی سەردەمی و كوڕێ خۆ ژی ب روودانەكا نە نەدیار ژدەست دایە و چ ژ دەنگوباسێن وی ژی نوزانن و دایكا كوڕكی ژی ژبەر بەرزەبوونا كوڕێ خۆ تووشی نەخۆشیا (زەهایمەر) ئانكو ژبیركرنا هزرو بیران دبیت و هەڤژینێ وێ ژی سەرەرای زەحمەت و خزمەتكرنا هەڤژینا خۆ ل دەنگو باسەكێ خۆش دگەڕیێت ژ بۆ چاكبوونا هەڤژینا وی، ستافێ كورتە فلمی یێ ئەكادیمی یە، هەموو دەرچۆێن زانكۆیا سلێمانیێ نە/پشكا فلمسازن، ل گەل چەند كەسێن دی كو ژ رۆژهەلاتێ كوردستانێ نە و مۆزیكا كورتە فلمی ژی ل باكورێ كوردستانێ هاتیە چێكرن و تۆماركرن و سێ پارچێن كوردستانی پشكداری ڤی كورتە فلمی نە هەتا كو ب دووماهی هاتی.
