ئەلبۆما من یا نوو دێ دەنگڤەدانەكا باش هەبیت
ئەڤرۆ
هونەرمەند حەمە رەئوف كەركووكی دیار كر كو ئەو دێ ب ئەلبۆمەكا نوو یا سترانان ڤەگەڕیتە د ناڤ هونەری دا كو ئەڤ ئەلبۆمە یا ژ 10 تراكان پێكهاتیە و حەفت ژ وان سترانان د نوو نە و ژ ئاوازێن وی بخوەنە و سێ سترانێن دی ژی فولكلۆری نە ب ستایلەكێ نوو و سەردەمانە تۆماركرینە.
ناڤهاتی ئاماژە دا وێ چەندێ كو ئەلبۆما وی یا نوو بناڤێ (وەرزوكێ ئاڵ)ە و نوكە مژوولی كارێ میكس و مایسترینگا بەرهەمێن خوەیە و بۆ كوردستان24 گۆت: «پشكەكا بەرهەمێن من ب هاریكاریا رێڤەبەریا رەوشەنبیری و هونەری یا كەركووكێ و ژمارەكا سترانێن دی ژی د ڤێ ئەلبۆمێ دا ب شێوەیەكێ خوەبەخش ل ستۆدیۆیەكا سەردەمانە یا كەركووكێ هاتینە تۆماركرن و نوكە مژوولی كلیپكرنا ئێك ژوان سترانێن د ناڤ ڤێ ئەلبۆمێ دامە و ئەز یێ گەشبینم كو دێ دەنگڤەدانەكا گەلەك باش د ناڤ حەزژێكەرێن دەنگێ من دا هەبیت كو ژڤانە ل دەمەكێ نێزیك ئەڤ ئەلبۆمە بهێتە بەلاڤكرن».
