ئالین جەمیل: ژبۆ خۆشیا خوە كارێ شێوەكاری دكەم
هەرهین محەمەد:
شێوەكار (ئالین جەمیل) د دیدارەكێ دا بۆ رۆژناما ئەڤرۆ گۆت: ژبۆ خۆشیا خۆە كارێ شێوەكاریێ دكەم، بەلێ شێوەكاریێ دكەمە رێیەك ژیانا خوە پێ دەرباز بكەم و داهاتەكی ب دەست خوەڤە بینم و ڤی كاری ژی ب رێیا سۆشیال میدیایێ دكەم و داخوازا وێنان دهێتەكرن ب تایبەتی وێنێن كەسوكی و بۆ ڤی كاری ژی دو هەتا سێ دەمژمێران ل سەر كاردكەم هەتا ب دووماهی دئینم و بارا پتر كچ داخوازدكەن بۆ دیاریان، ژبلی وێنەیێن كەسوكی كەڤالێن زەیتی ژی چێدكەم و هەموو رەنگان تێدا بكاردئینم و چو رەنگێن تایبەت من نینن و كەڤالێن زەیتی ژی دفرۆشم، بەلێ بهایێ وان و یێن رەش و سپی نە وەكو ئێكە گرانترن.
ئالینێ گۆت: نوكە یا ئامادەكاریان دكەم دا پێشانگەها خوە یا تایبەت ڤەكەم و ب ئانەهیا خودێ ل نێزیك دێ هێتەڤەكرن و هەكە پێشانگەهێن هەڤپشك ژی بهێنە ڤەكرن بێ دو دلی دێ پشكداربم و هەرتشتەكێ بینم و گوه لێ ببم دكەمە كەڤال، بەلێ بارا پتر كەڤالێن من دەربڕینێ ژ سرۆشتی دكەن.
