زەلامی پشكنینەك یا هەی بۆ دیاركرنا نەزۆكیێ، بەلێ ژنێ گەلەك یێن هەین
جوتیار شوكری:
د. كامیران جەلالەدین سەدیق، تایبەتمەندێ نشتەگەریا گولچیسكان و جوبارین میزێ و نەزوكیێ دیاركر، ئەگەر یێن هەین ئەم بێژنە كەسەكی كو یێ نەزۆكە، ئێك ئەم ژ نەخۆشی داخاز دكەین پشكنینا (شەهوەتا زەلامی) هندەك سالوخەتێن تێداهەین، پێدڤیە وێ پشكنینێ بكەت، رێكخراوا ساخلەمیا جیهانی، هندەك ستاندەر یێن بۆ مە داناین، كەنگی نورمال، و كەنگی دێ حساب كەی نە نورمال، پیڤەرەك یێ تێداهەی دیاردكەت، كا لڤین و شێوێ یێن دروستن یان نە، ل دووڤ ڤان پیڤەرا ئەم بریارێ ددەین كا ڤان ئاریشە هەنە بۆ نەزۆكیێ یان نە، ئەگەر پشكنینێن وی ئاریشە تێدا هەبن، گەلەك جاران ئەم دبێژینێ سونارەكێ بگرە كا (دوالی) هەیە یان نە، هندەك جاران ژی پشكنینا (هورموناتا) دا بزانین كا چ هورمونێ وی یێ كێمە، ئەوێ كارتێكرنێ لێ دكەت، چونكو ئەگەرێن هورمونی ژی هەنە كو نەزۆكی بو زەلامی چێدبیت، و گۆتژی: پشكنین گەلەك گرنگە بو دیاركرنا نەزۆكیێ، ئەو پشكنینژی ئە ڤەنە: « پشكنینا سپێرمێن زەلامی یان ئاڤا زەلامی، پشكنینێن خوینێ بو هورموناتا، پشكنینا سونارێ، پشكنینا كروسوماتا»، بو هندەك حالەتا ئەڤێن ئاڤا شەهوەتا وی ئێكجار چ تێدا نەبیت، گەلەك پشكنینێن دی هەنە، هندەك نشتەرگەریا دا ئەم بێژینێ (خەزعە) ئانكو دێ زێدەگوشتەكی ژێ وەرگرین فرێكەنە (زەرعی) كا بوچی ئاڤا ڤی زەلامی سفرە، بۆچی نینە و بۆچی زاروك نابن؟.
د. كامیران جەلالەدین سەدیق زێدەتر گوت: زەلامی ئێك پشكنین یاهەی بو دیاركرنا نەزۆكیێ، بەلێ ژن پێدڤی ب گەلەگ پشكنینایە هەتا بو دیاردبیت كا ئاریشە هەیە بو نەزۆكیێ یان نە، یاباشتر ئەوە زەلام و هەڤژینا وی پێكڤە پشكنینا بكەن دەمێ پێكڤە چێكرن ئەگەر ئاریشە ژلایێ زەلامی بیت لازمە بزڤریت بو چارەسەریێ و ئەگەر ئاریشە ژلایێ ژنێ بوو دڤێت بچیت پشكنینێن خوە بكەت دا بزانیت ئەگەر چنە، و گۆتژی: دەمێ زەلامەك یێ نەزوك بیت هندەك رێك هەنە بو پەیدابوونا زارۆكان ئەگەر (دەوالی) هەبیت دێ نشتەرگەریێ بو كەین، پشتی چەندەكێ دێ بینی پشكنینێن وی نورمالن بێ چارەسەری، هندەك ژی ب چارەسەریا دەرمانا، ئەگەر كەسەكی هورمونێن وی كێمبوون، دێ بو تەعویزكەین هندەكێن هەین لڤینا وی یاكێمە و گەلەك جورێن دەرمانان یێن هەین دێ پێ چێبیت، هندەك كەسێن دی هەنە (سائل مەنەویا) وان سفرە، وی دەمی ئەم سەحدكەینێ كا ئەم چبكەین بو ڤی حالەتی دچیتە رێكەكا درێژ دا، دڤێت نشتەرگەریێ بو بكەی، زەرعەكێ ژێ كێشی ژنوو هەكە مە تێدا دیت، هینگی ئەو دشێت بچیتە رێكا دوێ تەلقیحێ چیكەت.
د. كامیران جەلالەدین سەدیق، گۆت: زارۆكێن دناڤ شووشان دا بو وان دهێنە چێكرن ئەڤێن تشتەك هەبیت كو بو خوە ژێ چێكەت، بەری نوكە مەت گوتە نەخۆشان هەرن هەوە چجاران زارۆك، نابن نوكە هەمان نەخۆشان، ئەم یێن دبینین و نشتەرگەریێ بو دكەین یێ بو سەحب دكەین و یێ بخو دچینن ب رێكا (ئەنابیبا).
