فلمێ گولاڤ چیرۆكا كۆژەكەكی
ب: شیان كانیساركی
. PERUME : The story of a murderer فلمەكێ ئەلمانیە ل سالا 2006بەلاڤبوویە، دەرهێنانا تۆم تایكۆر»، ژ لیستكڤانیا هەردو بن ویشان، ئالان ریكلامان یە، چیرۆك ژ رۆمانا (گۆلاڤ) نڤیسینا پاتریك زۆسكیند، وەرگرتیە كو سالا 1985هاتیە وەشاندن. روودان دەستپێدكەن، دەمێ قارەمانێ فلمی جان باتێست جرۆنوی ل نیڤا بازارێ ماسیان ژ دایكەكا كاركەر و هەژار ژ دایك دبیت، دایكا وی ژی ژ ترسێن خودانێ كاری دا وی زارۆی دادنیتە رەخەكی، دا ژبەر زارۆبوونێ ژ سەر كاری نە دەرئیخێت، لێ دەمێ زارۆك دكەتە گری هەر دایكا وی ب هاڤێتنا زارۆكێ خوە گونەهبار دكەن و زارۆ ژی دهێتە ڤەگوهاستن بۆ مالا ئێتیم و بێ سەمیانان، نەیا دروستە چیرۆكێ دیاربكەم دا بێتام نەبیت، لێ دبێژم: ب چاڤەكێ كێم تەماشەنەكەن زارۆیان و ژیانا وان و ژینگەهێ تێدا دژین، چونكی ئەو ژیانا ژ زارۆكینی تێدا دژیت تاكۆ ڕۆژا دمریت دمینیتە ل گەل، ئەڤ زارۆكێ ب ناڤێ (جان باتێست جرونوی) د ناڤ بازارێ ماسیان و گۆشتفرۆڤان دا دهێت دونیایێ، هەر ژ چركا ئێكێ ل شوینا بێهنا دایكا خوە بهەلكێشیت و شیرێ وێ بخۆت، بێهنا خوینێ و گۆشتی دهێتێ، شوینا پەیڤا دادێ، بابۆ، قوربان، میۆزیكێ گۆه لێ ببیت، دەنگێ رەوینا سەیێن هار و حەواریێن دزیكەران دچنێ، لەوا ئەڤ شێوازێ ژیانێ ئێكا هند ژێ چێدكەت ببیتە كوژەكێ هەرێ بەرنیاسێ وێ دەڤەرێ كو حوكمەت هەموو نەشێت بگریت، نە ئەڤە ب تنێ. لێ زۆر ژنێن باژاری دكۆژیت و گۆلاڤێ ژ لەشێ وان دكەت! ئەرێ مانە ئەو ژیان بوو ئێكا هند ژێ چێكری، ل شوینا چاڤێن وی خوەش ببن، یان گوهێن وی خوەش ببن، هەستێ بێهنێ بۆ لەش و خوینێ ل دەف خورت ببیت؟ هەروەسا ل جهەكی نڤیسەری ڤیایە رەخنەیەكێ پێشكێشی كنیشتێ و زەلامێن ئایینی بكەت، كو گەلەك ژسەرڤە پشتەڤانیا مافێ ژنێ دكر، لێ ژبنڤە نەخێر ب تنێ وان ژی لەش دڤیا، ل دووماهیێ ژی دیاردبیت د دیمەنان دا كو زەلامێ ئێكێ یێ كنیشتێ ل دەولەتێ ب گۆلاڤەكێ دسەردا دچیت وەكی هەموو خەلكێ دی.
