دلێر حەسەن: ئەوا من ڤیای ئەز نە گەهشتمێ
هەرهین محەمەد:
دلێرحەسەن، گەنجەكێ باژێرێ دهۆكێ یە، رابوویە ب چێكرنا كەڤالێ بەرێز (مەسرۆر بارزانی) سەرۆكێ حكومەتا هەرێما كوردستانێ ل سەر شێوازێ مۆزایك كو هەموو ب وێنێن وی چێكرینە.
ناڤهاتی د دیدارەكێ دا بۆ رۆژنا ئەڤرۆ گۆت: ئەڤە كارێ من یێ ئێكێ یە و من تاقیكر و نەه هەیڤن ئەز ل سەر كاردكەم و ئەڤ كەڤالە پێكهاتیە ژچار هزار و دوسەد و شێست و چار وێنەیێن بچووك و ئەو وێنەیە ب دوسەنتیم ب سێ سەنتیم و من شێوازێ مۆزایك هەلبژارت، چونكو من گەلەك حەزژێ دكر و راستە گەلەكێ بزەحمەتە ژی دڤێت مرۆڤ یێ هشیار بیت و ل دەمێ چێكرنا ڤی كەڤالی 30% من ب دووماهی ئینا بوو، دو كەسان ژی داخوازا كڕینا وی كرب گۆژمەكێ زۆرێ پارەی پێ دا، لێ من رەت كرو رازی نەبووم، مەرەما من ژچێكرنا ڤی كەڤالی ئەو بوو ئەز بەرێز مەسرۆر بارزانی ببینم و ڤی كەڤالی بۆ بكەمە دیاری، بەلێ مخابن كەڤال ژ من هاتە وەرگرتن و ئەز مایمە ل هیڤیا بەرسڤێ و ئەوا من دڤیا ئەز نەگەهشتمی و هەكە من كربا سەر ب زێدەكرن كەڤال دا بهایەكێ زۆر هێتە فرۆتن و حەزدكەم ل سەر ڤی هونەری یێ بەردەوام بم هەكە پشتەڤانی ل من بهێتەكرن.
