د چەند سالێن بهێت دا ئەم پێدڤی ب دیزاینەرێن بیانی نابین
زنار تۆڤی:
بهار مەعرۆفی، ئەكتەر و دیزاینەرا جلكانە، د دیدارەكێ دا بۆ رۆژناما ئەڤرۆ دیاركر كو ئەڤە بۆ دەمێ نەه سالانە ئەو كارێ دیزاینا جلكان دكەت، هەروەسا دو سالن مامۆستایا پشكا دیزاینەرا جلكانە ل پەیمانگەها داسنیا، هەروەسا پەیمانگەها ئێكێ ل سەر ئاستێ كوردستانێ كو ب رێیا ئەكادیمی وانا دیزاینەرا جلكان ددەت، هەروەسا ئەو كەسێ یان ئەو كەسا دبیتە دیزاینەر، دشێت ب رێیا هزرێن خۆ كارێن باش د بۆارێ چێكرنا جلكان دا ئەنجام بدەت، كو ئەو كارە هەموو ب رێیا ئەكادیمی دهێنە كرن، دیسان كارێ دیزاینەری ژ كارێ وی كەسێ جلكان د درویت یێ جۆدایە.
ناڤهاتیێ گۆت: مە ل باژێرێ دهۆكێ فیستەڤالەك ژی بۆ كارێ دیزاینا جلكان ئەنجامدا، كو هەتا نوكە وەكی وێ فیستەڤالێ ل كوردستانێ نەهاتینە ئەنجامدان، قوتابیان ل گەل مامۆستایان كارێ دیزاینا جلكان كرییە و ئەڤە كارەكێ دلخۆش بوویە ژ بۆ مە، ئەز ب هیڤی مە د چەند سالێن بهێت دا ئێدی ئەم پێدڤی دیزاینەرێن بیانی نابین، دێ كارێن دیزاینەرێن كورد ژی دێ هێنە فرێكرن بۆ دەرڤەی وەلاتی، هەروەسا ئەو كارێ مە ل فیستەڤالێ ژی دا ئەنجام دای كارەكێ نموونە بوویە و مە نێزیكی 15 جۆرێن دیزاینێ نیشادان. بۆ سالا بهێت ئەم پتر قوتابیان دبیاڤێ دیزاینەرێ دا وەرگرین، ئەم پتر پشت بەستنێ ل سەر دیزاینا جلوبەرگێن كوردی دكەین، ب رەنگەكێ جوان و ژ هەژی، دیسان قوتابی یێن شیانێن باش هەنە و دشێن كارێن نموونە یێن دیزاینێ جلكان پێشكێش بكەن، ئارمانجا مە ئەوە، كو ئێدی دیزاینەرێن كورد ژی كارێن خوە ل دەرڤەی وەلاتی ئەنجام بدەن و سەرنجا خەلكێ بیانی بۆ خوە رابكێشن.
