گەڕا دەهێ یا فلمە فیستەڤالا دهۆك یا نێڤدەولەتی دەست ب وەرگرتنا فلمان كر
رێوار محەمەد رەشید:
حەسەن عارف، بەرپرسێ راگەهاندنێ ل گەڕا دەهێ یا فلمە فیستەڤالا دهۆك یا نێڤدەولەتی بۆ بەرپەرێ هونەری یێ رۆژناما ئەڤرۆ دیار كر كو دەست ب بەرهەڤیان بۆ ئەنجامدانا گەڕا دەهێ یا فلمە فیستەڤالا دهۆك یا نێڤدەولەتی هاتیەكرن و نوكە دەرگەهێ وەرگرتنا فلمان بۆ فلمە فیستەڤالا ناڤهاتی هاتیە ڤەكرن و قووناغێن دووڤ دا ژی فلم دێ هێنە ڤاڤارتن و ل دووڤ چەندین مەرجان بۆ فلمە فیستەڤالێ هێنە هەلبژارتن و گۆت: «ل رۆژا 10/6/2023 دەست ب وەرگرتنا فلمان هاتیەكرن و هەتا رۆژا 1/9/2023 دێ یا بەردەوام بیت».
ناڤهاتی ئاماژە دا وێ چەندێ كو گەڕا دەهێ یا فلمە فیستەڤالا دهۆك یا نێڤدەولەتی ل رۆژا 9/12/2023 هێتە ڤەكرن و هەتا رۆژا 16/12/2023 دێ یا بەردەوام بیت و گۆت: «د ڤان چەند هەیڤێن بەری دەستپێكرنا فلمە فیستەڤالێ دا هەمی پشكێن فلمە فیستەڤالێ دێ دەست ب بەرهەڤیێن خوە كەن بۆ وێ چەندێ ئەڤ گەڕا فلمە فیستەڤالێ ژی وەكو گەڕێن دی ب شێوەیەكی سەركەفتی بهێتە ئەنجامدان».
