پازدە سالن سوسێ دفرۆشیت
سالح مەندیل ئوسمان، سوس فرۆشەكە، د دیدارەكێ دا بۆ رۆژناما ئەڤرۆ دبێژیت: ئەز خەلكێ رۆژئاڤایێ كوردستانێ مە، ژ باژیرێ قامشلۆیە، ئەڤە نێزیكی دەه سالانە ژبەر رەشا ئالۆز یا ل سوریێ پەیدا بووی نەچاربوویمە بهێمە هەرێما كوردستانێ.
ناڤهاتی گۆت: ئاڤا سوسێ بۆ گەلەك نەخۆشیان یا باشە، چونكو شەربەتەكا سرۆشتی یە ئیش و ئازارێن لەشی كێم دكەت، ئەو كەسێن ئەڤ جۆرە شەربەتە ڤەخواری مفا ژێ وەرگرتیە و خەلكێ دهۆكێ ژی گەلەك رێزێ ل من دگرن و بڤی كاری دشێم مالباتا خوە هەتا رادەیەكی پێ ب خودان بكەم و ئەڤە نێزیكی پازدە سالانە كارێ فرۆتنا ئاڤا سوسێ دكەم، ئەز ژ هەڤال و برادەران ل سوریێ فێرێ ڤی كارێ بووم، پشتی پەنابەریێ ژی هەر بەردەوامی من دایە كارێ خوە ل ناڤ بازارێن دهۆكێ سوسێ دفرۆشم.
