ڤیستەڤالا ئێكێ یا (شەلوشەپكان) ل زاخۆ دێ هێتە گێڕان
عەلی حاجی:
دلخاز موسا، رێڤەبەرێ رەوشەنبیری و هونەری ل زاخۆ و ئەندامێ لژنا برێڤەبرنا ڤیستەڤالا ئێكێ یا (شەلوشەپكان) د د دیدارەكێ دا بۆ رۆژناما ئەڤرۆ دیاركر كو ل رۆژا چارشەمبی ئەو ڤیستەڤال دێ ل پرا دەلال هێتەكرن و پشكدارێن ڤیستەڤالێ ژ دهۆك و زاخۆ و بارزان و ئاكرێ و ئامێدیێ و جزیرێ و شەرنەخێ و چەند جهێن دی نە.
دەربارەی بەرنامێ ڤیستەڤالێ ژی كو دێ ل دەمژمێر شەش و نیڤی ئێڤاری دێ دەستپێكەت، گۆت: دێ چەند جۆرێن شەلوشەپكان و هندەك كارێن دەستی هێنە نیشادان، هەروەسا هندەك كوڕ و كچ دێ جلكێن كوردی كەنە بەرخوە و ئامیرەكێ چێكرنا وان شەلوشەپكان (تەڤن) هێتە دانان، زێدەباری هندەك بڕەگیێن دی وەك گۆتنا چەند سترانان و ئیدارا سەربەخۆیا زاخۆ پشتەڤانی لڤێ چالاكیێ كریە.
