بنەفش شێخ عەلۆ: راگەهاندنا كوردی بەر ب ئاقارەكێ نە دیار ڤە دچیت
مەدیاكار (بنەفش شێخ عەلۆ) د دیدارەكێ دا بۆ رۆژناما ئەڤرۆ دا دیاركرن كو ئەو خەلكا كۆمەلگەها شاریا یە، دەرچۆیا زانكۆیا دهۆك كولیژا چاندنێ یە، نوكە ژی قوتابیا ماستەرێ یە، هەروەسا نڤیسەر و پرۆدیوسەرا دەنگوباسایە ل كەنالێ دهۆك تیڤی و كارمەندە ل رێڤەبەریا گشتی یا كاروبارێن ئێزدیان و ئەڤە بۆ ماوێ هەشت سالا نە دبۆارێ راگەهاندنێ دا كاردكەت و شیایە هەتا رادەیەكی كەسایە تیا خۆ د ناڤ راگەهاندنێ دا ببینیت.
ناڤهاتیێ گۆت: ب دیتنا من د قۆناغا نوكە دا رەوشا راگەهاندنا كوردی بەر ب ئاقارەكێ نە دیار ڤە دچیت، ب تایبەت پشتی دەركەفتنا میدیا یا دیجیتالی، چونكو ئەڤ جۆرە میدیایە هەتا رادەیەكی میدیایەكا ئازادە و هەر كەسێ بخوازت پەیامەكێ بەلاڤ بكەت بێی كو بنەمایێ راگەهاندنێ بزانیت ل مالا خوە و ل سەر ئەكاونتێ خۆ نوچەیان بەلاڤ دكەت، ئەڤ چەندە ژی بوویە ئەگەر كو كارتێكرن ل راگەهاندنا راستەقینە ببت ژلایێ ژ دەستدانا باوەریێ بۆ جەماوەری و راگەهاندن كارەكێ پیرۆزە هیڤی خوازم ئەڤ پیرۆزیە بهێتە پاراستن و سەنگا خوە بمینت چونكو پیشەیا راگەهاندنێ پرەكە دناڤبەرا خەلكی و دەستهەلاتێ دا ژبۆ گەهاندنا دەنگ و مافێ وەلاتیان ب تایبەت ژی راگەهاندنا كوردی خەباتەكا دوور و درێژ كریە هەتا كو گەهشتیە قوناغا نوكە.
