نێزیكیەكا باش یا هونەری د ناڤبەرا من و هونەرمەند (عەبدولقەهار زاخۆیی) دا هەیە
ل ڤان دووماهیا پەیوەندیەكا هونەریدناڤبەرا هەر دو هونەرمەند هەلكەوت زاهر و عەبدولقەهار زاخۆیی دروستبوویە و چەندین بەرهەمێن هەڤپشك بەلاڤكرینە نووترین بەرهەم ژی سترانەكە ب دەنگێ میرا عەلی.
«تە ژبیرناكەم» ژ تێكستا عەبدولقەهار زاخۆیی و ئاوازێن هەلكەوت زاهری یە و سەركان تانیك كارێ بەلاڤكرنا مۆزیكێ كریە و ب دەنگێ میرا عەلی هاتیە بەلاڤكرن.
هونەرمەند هەلكەوت زاهر دیار كر كو «تەژبیرناكەم» ژ زنجیرا وان كاران یێن كو وی ل گەل هونەرمەند عەبدولقەهار زاخۆیی دەستپێكری و بۆ رووداو گۆت: «پشكەك ئاوازێن منن و ژ لایێ هونەرمەندێن دی ڤە هاتینە گۆتن ژوان میرا عەلی، عەدنان تەمۆ، ئیلادە مەتین».
ناڤهاتی ئاماژە دا وێ چەندێ كو نێزیكیەكا گەلەك باش یا هونەری دناڤبەرا وی و هونەرمەند عەبدولقەهار زاخۆیی دا هەیە و د كاركرنێ دا پێكڤە كەیفخوەشن، تێكستێن وی بۆ سترانان گەلەك د گۆنجایی نە و ب زمانەكێ باش یایێ مۆزیكێ دنڤیسیت و ل داهاتی ژی دێ پێكڤە ل سەر كارێ خوە د بەردەوام بن و ل ڤان نێزیكا بەرهەمەكێ دی ژ ئاوازێن وی ب دەنگێ هونەرمەند عەبدولقەهار زاخۆیی دێ هێتە بەلاڤكرن.
هەژی گۆتنێ یە كو ریشاح مەحمودی كارێ دەرهێنانێ بۆ ڤیدیۆكلیپێ كریە و ل كەنالێ تایبەتێ هەلكەوت زاهری ل یوتیوبی هاتیە بەلاڤكرن.
