فلمەكێ دیكیۆمێنتاری ل دۆر دیرۆكا پێشكەفتنا نۆشداری ل دهۆكێ هاتە بەرهەمئینان
فلمەكێ دیكیۆمێنتاری ل دۆر دیرۆكا پێشكەفتنا نۆشداری ل دهۆكێ هاتە دروستكرن، ئەڤ فلمە بەحسێ وان روودانێن مێژوویی و پێشكەفتنا نۆشداری ئەوا دناڤبەرا سالێن 30 و 40 دا دكەت.
مازن ئێسیانی، دەرهینەرێ فلمێ ناڤهاتی بۆ رۆژناما ئەڤرۆ دیار كر كو ئەڤ فلمە بەرهەمێ سەندیكا نۆشدارێن كوردستانێ تایێ دهۆكێ یە و پرودیۆسەر و ئامادەكرن و سەرپەرشتیا گشتی یا بەرێز شڤان تەوفیقی یە و گۆت: «من كارێ دەرهێنانێ بۆ ڤی فلمی كریە و ئەیاز خدر ب كارێ وێنەكرنا هەمان فلم رابوویە، د ناڤەرۆكا ڤی فلمێ دیكیۆمێنتاری دا هندەك ژ ئەرشیفێ دهۆكا كەڤن تێدا هاتیە بكارئینان و ب هووری بەحس لێ هاتیەكرن».
ناڤهاتی ئاماژە دا وێ چەندێ كو فلم ل جهێن جودا یێن باژێرێ دهۆكێ هاتیە وێنەكرن، هەروەسا گەلەك كەس و نۆشدارێن ب تەمەن یێن وی سەردەمی پشكداری د ڤی فلمێ دیكومێنتاری دا كریە، ئارمانج ژ ڤی فلمی ئەوە بەرەبابێ نوو بزانن نۆشدارێن مە د چەند قووناغێن سەخت ڕا دەربازبووینە سەرەرایی وێ چەندێ ل دووڤ شیانێن خوە چارەسەریا خەلكی كریە.
