گەلەك ئاستەنگ ل پێشییا هونەرێ مە هەنە
زنار تۆڤی:
سترانبێژ (ئەمراه كورد) د دیدارەكێ دا بۆ رۆژناما ئەڤرۆ گۆت: ئەڤە هەژدە سالن ئەز سترانان دبێژم و نوكە مژوولی تۆماركرنا سێ سترانامە، یا ئێكێ دێ ب زمانێ توركی بیت و هەردو یێن دی دێ ب زمانێ كوردی بن، سترانێن كوردی ئێك ژ وان ل سەر دیرۆكا كوردانە، پەیڤ و ئاوازێن یێن من، ل نێزیك دێ تۆماركەم و ب دیتنا من نوكە رەوشا هونەرێ كوردی یا باش نینە، بەلێ ئەز ب هیڤی مە كو باشتر لێ بهێت،
ناڤهاتی گۆت: مە گەلەك هونەرمەندێن باش هەنە، هەروەسا یێن نەباش ژی هەنە، ئەوێن نەباش ژ بۆ هونەرێ كوردی تشتێن نەباش چێدكەن، لەوما دڤێت ئەم هەموو ب رەنگەكێ باش خزمەتا هونەرێ كوردی بكەین، مخابن دەولەتا تورك سانسۆر دانایە سەر زمان و هونەرێ كوردی و گەلەك ئاستەنگ ل پێشییا هونەرێ مە هەنە، بەلێ ئەم هەر ل سەر هونەرێ خوە د بەردەوامین.
