درامس ل گەل هەموو جۆرێن سترانان ناگونجیت
هەرهین محەمەد:
لێدەرێ ئامیرێ درامسێ (محەمەد سەفەر) د دیدارەكێ دا بۆ رۆژناما ئەڤرۆ گۆت: هەكە مرۆڤی حەز ل سەر كارەكی هەبیت ب زووترین دەم دێ فێربیت و درامس ژی وەكو هەموو ئامیرێن دی یە هەكە مرۆڤی حەز ل سەر هەبیت دێ زوو فێربیت و هەكە حەز ل سەر نەبیت یا بزەحمەت فێربن، چونكو ئامیرێ درامسێ تایبەتمەندێن خوە هەنە و جودایە ل گەل ئامیرێن دی یێن مۆزیكێ.
ناڤهاتی گۆت: من شیان یێن هەین ژبلی ئامیرێ درامسێ ئورگێ ژی بژەنم، چونكو مامێ من لێدەرێ ئۆرگێ یە، ئەوی هزر دامن خوە فێری درامسێ ژی بكەم و من خوە فێركر و نوكە مۆزیكژەنەكێ گەلەك باشم ول گەل كوڕێ مامێ خۆە كاردكەم دچینە ئاهەنگ و كونسێرتا دشێم بێژم دگەل مامێ خوە و كورێ ئەوی بووینە گرۆپەك و ئامیرێ درامسێ ل گەل هەموو جورێن سترانا ناگۆنجیت بتنێ سترانێن بلەز و یێن دەواتا دگونجیت و حەزدكەم ل گەل هەموو سترانبێژان یێن دەوات و شەهیان و ئاهەنگا مۆزیكێ بژەنم بێ جوداهی هەموو هەڤالێن خۆشتڤی نە.
