هیڤیا من ئەوە هونەرێ كوردی بگەهیتە ئاستێ یێ جیهانێ
سولین سلێمان:
شانۆڤان (میران شێرزد) كو خەلكی پارێزگەها سلێمانیێ و دەرچۆیێ پەیمانگەها هونەرێن جوان/ پشكا شانۆیێ یە، د دیدارەكێ دا بۆ رۆژناما ئەڤرۆ دیاركر كو دژیەكێ بچووكدا حەزا ئەكتەریێ ل دەف پەیدابوویە و هەتا نوكە پشكداری د چەند شانۆگەری وفلم و دراما دا كریە.
میرانی گۆت: ل سالا 2012 من دەست بكارێ ئەكتەریێ كریە و شانۆگەریێن من پشكداری تێدا كری ئەڤە نە (یادی هەلەبجە، دو جەلاد و قرنیس و شۆڕشی مردوەكان و شەرەفی شارێك) بوون، دراما ژی (سۆما و سەراب) بوون بۆ دەمێ بهێت ژی دێ هندەك كارێن نوو هەبن و هیڤی دارم رۆژەك بهێت هونەرێ كوردی ژی بگەهیتە ئاستێ هونەرێ جیهانێ.
