رۆژانە 400 نان بۆ پێشمەرگەی د ڤێ شكەفتێ ڤە دهاتنە پاتن
دلڤین رەشید:
پێشمەرگێ دێرین(خدر خەلەف) د دیدارەكێ دا بۆ رۆژناما ئەڤرۆ دیاركر كو ئەو خەلكێ كومەلگەها شاریا یە و پێشمەرگێ شۆڕەەشا گولانێ یە، دبێژیت: شەكەفتا زەریفێ دكەڤیتە گوندێ شاریا ل گەلی دەبە سترێ ل سالا 1974 جهێ نانێ پێشمەرگە بوویە و دەمێ بێشمەرگەی جهێ خوە ل چیایێ زاوا دانای ژبۆ پاراستنا ئاخا خۆ دژی رژێما ژناڤچوی.
ناڤهاتی گۆت: د وی سەردەمی دا خەلكێ گوندێ شاریا ب تەڤای هاریكاریا برایێن خوە یێن پێشمەرگە دكرن، هندەكان دار دكێشان و هندەكان نان بۆ پێشمەرگەی دپات كو رۆژانە نێزیكی چارسەد نانان بۆ پیشمەرگەی دهاتە پاتن و هنارتن
و هەتا نوكە ئەڤ شكەفتە ژلایێ خەلكێ كومەلگەها شاریا ڤە هاتیە پاراستن، چنكو جهەكی پیرۆزە خزمەتا خەلكێ دەڤەری و پێشمەرگەی كریە و نوكە ژی بزاڤ دهێنە كرن بهێتە نوژەنكرن ل سەر شێوارزێ بەرێ داكو بیتە شینوار و بۆ نڤشێ نوو بهێتە خویاكرن كا هەستا نەتەوی ل وە دەمی چەندا بهێز بوو دناخێ خەلكێ كوردستانێ دا.
