سروودا ئاینی یا بێ خودانە
شاهۆ فەرید:
ئەیوب محەمەد، گەنجەكێ دەنگخۆشێ باژێرێ زاخۆیە، ماوێ چەندین سالانە ستران و سرودێن ئاینی و نیشتمانی دبێژیت، د دیدارەكێ دا بۆ رۆژناما ئەڤرۆ گۆت: ل دەستپێكا سالا 2000 من دەست ب گۆتنا سترانان كریە، ئەڤ چەندە حەزا من بوویە و پالپشتی ژلایێ هەڤالان و دەوروبەران من هاتیەكرن، ئێكەم كلیپا خوە سالا 2006 ب ناڤێ (خودی منەت ل مە كر محەمەد بۆ مە فرێكر) بەلاڤكر، جوداهی نینە د ناڤبەرا سرودا ئاینی و نیشتمانی هەردو خزمەتن بۆ ئاینێ ئیسلامێ و وەلاتێ مە كوردستان، من پتری سیه سرودێن تۆماركری هەنە، بەلێ كلیپ د كێمن بتنێ دو نە، پەیڤ و ئاواز من داینە چەندین سترانبێژان.
ناڤبری گۆت: سرودا هوبێرێن فەرەشینی ژ پەیڤێن هوزانڤان (عەبدولعەزیز ئەلكی) و ئاوازێن منە، دڤێ سرودێ دا هەستی مرۆڤێ موسلمان بۆ پێغمبەری و شینوارێن پیرۆز دیاردكەت، خەریبا سەردانا وارێ پیرۆز مەدینێ دكەت، جهێ داخێ یە سرودا ئاینی یابێ خودانە چ لایەن پالپشتێ و هاریكاریێ نینە، پالپشتیا من هاتیەكرن گەلەگ گەلەكا كێمە، هەر تاكەك دڤێت ژلایەكێ ڤە خزمەتێ بكەت من فەردیت ب دەنگێ خوە خزمەتا ئاین و وەلاتێ خوە بكەم، داخازا من ژ هەموو هونەرمەند و سترانبێژا ئەوە خوەل سترانا ئاینی ژیی بكەنە خودان، بتنێ گرێدایی یا رومانسی بن، چونكۆ هندەك دەرحەقێ گۆتنا ستران و سرودا ئاینی نا دەركەڤن.
