بێوار عزەت چ كار دێ ل دەڤەرا بارزان كەت؟
، هەرهین محەمەد:
دەرهێنەر عادل ئاكرەیی ددیدارەكێ دا بۆ بەرپەرێ هونەری یێ رۆژناما ئەڤرۆ دیاركركو ئەو دەمەك بوو مژوولی چێكرنا كلیپەكێ بۆ سترانبێژ بێوار عزەت بناڤێ (گوندێ مە) ژ پەیڤێن سالار فایز و ئاواز ئیڤان عادل و ژدەرهێنانا هوزان و عادل ئاكرەیی یە و كلیپ ل دەڤەرا بارزان هاتیە وێنەكرن و نوكە دقووناغا مونتاژێ دایە و ژڤانە ل دەمەكێ نێزیك ل تورێن جڤاكی و ل شاشەیێن تیڤیان بهێتە بەلاڤكرن.
ناڤهاتی زێدەتر ژی گۆت: كلیپ د ناڤ چیا و رووبارێن جوانێن دەڤەرا بارزان هاتیە وێنەكرن ب كوالتیەكا بلند و ئەڤ سترانە سترانبێژێ ناڤهاتی كریە دیاری بۆ خەبات و بەرخوەدانیا ڕابەرێ گەلێ مە سەرۆك بارزانی كو هەموو ژیێ خوە پێشكێشی گەلێ كورد كریە.
