بەلگە فلمەك ل دۆر كولبەریا ژن و زەلامان دهێتە بەرهەمئینان
سیادا، كورتە فلمەكێ كوردیە ل رۆژهەلاتێ كوردستانێ هاتیە بەرهەمئینان و كارێ وێنەگرتنێ ب دووماهی هاتیە و نوكە د قووناغا مۆنتاژێ دایە، د ناڤ ڤی كورتە فلمی دا بەحسێ كولبەریا هەر دو رەگەزێن نێر و مێ ل رۆژهەلاتێ كوردستانێ هاتیەكرن .
محەمەد دەروێشیان، دەرهێنەرێ كورتە فلمێ ناڤهاتی دیار كر كو ئەڤ كورتە فلمە ل گوندێ كنگرە ل دەڤەرا لەیلاخێ ل رۆژهەلاتێ كوردستانێ هاتیە وێنەكرن و پشتی ژ قووناغا مۆنتاژێ ب دووماهی دهێت ژڤانە دەمێ دوو هەیڤێن داهاتی دا كار تمام بیت و بۆ فلمە فیستەڤالان بهێتە هنارتن و بۆ رووداو گۆت: «ئەڤ فلمە بەحسێ مێهرەبانیا دایكێ دكەت هەروەسا تیشك خستیە ل سەر ژیانا كولبەرێن ژن و زەلام ل رۆژهەلاتێ كوردستانێ و ئەو ئاستەنگێن دكەڤنە د رێیا وان دا».
هەژی گۆتنێ یە كو دەمێ ڤی كورتە فلمی 20 خولەكن و هەر ئێك ژ (شەبۆ سلێمانی، فەرشید گەوێلی، حسێن تەرقی، سوهەیلە سادقی) رۆلێ سەرەكی د ناڤی ڤی كورتە فلمی دا گێرایە.
