كورتە فلمەكێ كوردی ریكوردا پترین بینەر تۆمار كر
كورتە فلمێ (تانە و تانج) ژ هزر و دەرهێنانا هونەرمەند (جبرائیل ئەبوبەكر)ی یە و بۆ جارا ئێكێ وەكو ئەكتەرەك رۆلەكی د ناڤ ڤی فلمی دا دگێریت، ئەڤ كورتە فلمە بەحسێ ئاریشەكا جڤاكی دكەت.
هەر ئێك ژ (جەمال جەبار) و (جبرائیل ئەبوبەكر) ب دو رۆلێن جودا پشكداریێ د ڤی كورتە فلمی دا دكەن و و چەند كەسێن بێ گونەه د ناڤ تاخێ خوە دا توورە دكەن ژ بەر ڤێ چەندێ ژی تووشی ئاریشێن جڤاكی دبن، دگەل بەلاڤبوونا ڤی فلمی بتنێ ددەمێ دو رۆژان دا پتری 400 هزار بینەران د ناڤ سوشیال میدیایێ دا بووراندن كو ئەڤە ژی ریكوردەكا نوویە د مێژوویا فلمێن كوردی دا د ناڤ توورێن جڤاكی دا.
جبرائیل ئەبوبەكر دیار كر كو وی ڤیایە ب رێیا ڤی بەرهەمێ خوە یێ نوو بێجەنگیێ بشكێنیت و چیرۆكەكا جڤاكی یا د ناڤ كومەلگەها كوردەواریێ دا كو تانە لێدانە ب خەلكی كو د بێ ئاگەهن ژ هەموو تشتان و هندەك كەس هەنە كار بۆ شكاندنا وان دكەن كو هندەك مرۆڤێن بێ گونەه دبنە قوربانی گۆتنێن بێ بنەما و بۆ كوردستان24 گۆت: «هزر و دەرهێنانا ڤی بەرهەمی یا من ب خوەیە و (رێبین تەنیا)ی كارێ مۆنتاژێ بۆ ڤی بەرهەمی ئەنجامدایە و رۆژانە ژی رێژا بینەریا ڤی فلمی پتر لێ دهێت».
