مالا گولێ پشتەڤانیێ ل كارێ وێ یێ هونەری دكەن
گولێ حەسەن، هونەرمەندەكا كوردە د بوارێ شانۆ و درامایێ دا كار دكەت د دیدارەكێ دا ئاشكرا كر كو هەكە نوكە كارەكێ هونەری یێ جوان هەبیت و ل گەل كەسایەتی و ژییێ من یێ گونجای بیت ئەز یا بەرهەڤم ئەنجام بدەم و بۆ باسنیۆز گۆت: «هەكە هندەك جارا جەستەیێ من یێ ژ كارێ هونەری دوور ژی بیت ئەز ب روحا خوە یا نێزیكی هونەری مە، بەلێ هندەك جاران كاودانێن ژیانێ ب وی جوری نە كو مرۆڤ هەست پێ دكەت یێ ژ كارێ هونەری دووری بووی، راستە وەكو دەركەفتن نوكە هەتا رادەكی دوور بوویمە، بەلێ وەكو نڤیسین یا نێزیكم، ئەگەرێ دووربوونا من ژ كارێ هونەری گەشتەك بوو، بەلێ نوكە یا زڤریمە ڤە و یا بەرهەڤم دەست بكارێن جوانێن هونەری بكەمەڤە».
ناڤهاتیێ ئاماژە دا وێ چەندێ كو دەرهێنەرێن ڤی سەردەمی دباشن و ئەز ب خراب نابینم و بزاڤێن موكوم ژ روویێ وێنەگرتنێ ڤە دكەن، بەلێ ئەم پێدڤی ب دەرهێنەرێن پترین، ژ بەر كو نابیت د كارێ خوە دا ماندووبن و گۆت: «ل دەستپێكا من یا كارێ هونەری گەلەك ئاستەنگ بوو من پەیدا دبوون و كارێ هونەری گەلەك ب دلێ خێزانا من نەبوو، بەلێ نوكە خێزانا من هەموو پشتەڤانیێ ل كارێ من یێ هونەری دكەن».
