حەز ژ رۆلێن خراب ناكەت
هەرهین محەمەد:
ئەكتەرێ بەرنیاس (كەریم مزیری) د دیدارەكێ دا بۆ رۆژناما ئەڤرۆ گۆت: گەلەك جاران ژمن هاتیە خواستن كو پشكداری درامایێن نوكە ببم، بەلێ ژ بەر هندەك نەخۆشیان و من دەلیڤە نەبوویە، ژبەركو دچمە تیپا هونەرێ مللی و من هەموو دەمێ خوە دایە وێ،
كەریمی گۆت: راستە دهندەك دراما و فلمان دا من رۆلێ لاوەكی گێرایە، بەلێ دەرهێنەر رۆلان بەلاڤ دكەت و من شیانێن هەین رۆلێن سەرەكی ژی بگێرم و حەز ژ ئەوان رۆلان دكەم ژ كەسێن باش بم و مفای ب گەهینمە جڤاكی، یان ب رۆلەكی رابم كەسەكێ شیرەت كەربم و دەمێ هندەك كەس خەلەتیان بكەن ئەز شیرەتان لێ بكەم و بەرێ وان بدەمە باشیێ و رۆلێن خراب حەز ژێ ناكەم و من ئەو رۆلە گێراینە ژی، بەلێ پێ نەخۆش بوویمە، بۆ زانین د دراما بەرپەرێن كەڤن دا من رۆلێ كەسایەتیەكێ گوندی دگێڕا و خۆشیەكا مەزن هەبوو و نوكە ژی بۆ من تامەكا دی یە ژ یێن نوكە راستە مە ب ئامیرێن نە سادە كاردكر، بەلێ دەستپێكا مە و چێكرنا دراما كوردی بوو خەلكی ژی گەلەك حەزژێ دكرن و ددراما بزاڤا گوندیا دا مە خوارن ژمال دگەل خوە دبر.
