هونەرمەندەكا كورد نووترین بەرهەمێ خوە بەلاڤ كر
هونەرمەندا كورد هانی موجتەهیدی، نووترین بەرهەمێ خوە بناڤێ (روحی هاوتا) بەلاڤ كر كو كارێ مۆزیك و بەلاڤكرنێ ژ لایێ كورێ وێ (سیامەند)ی ڤە هاتیە ئەنجامدان.
ئەڤ بەرهەمە ب شێوەیێ دەنگ د كەنالێ تایبەتێ هانیێ دا هاتیە بەلاڤكرن و كورتە ڤیدیۆیەك ل دۆر ڤێ سترانێ بۆ تورێن جڤاكی ئامادەكریە و د هژمارا خوە یا تایبەت ل ئینستگرامی بەلاڤكریە كو ئەڤ سترانە ژ تێكستا (جەلال مەلكشایە) و كارێ میكس و ماسترینگێ ژ لایێ كورێ وێ سیامەندی ڤە هاتیە ئەنجامدان.
هانییێ بۆ رووداو دیار كر كو ئەڤ سترانە دێ ئێك ژ تراكێن ئەلبۆما وێ یا نوو بیت كو نوكە ل گەل سیامەندێ كورێ خوە كار
ل سەر دكەت و ل دەمێن داهاتی دا دێ هێتە بەلاڤكرن.
