ب سالان خوەبەخش كاركریە
هەرهین محەمەد:
وێنەگر (عەگید شێخكی) د دیدارەكێ دا بۆ رۆژناما ئەڤرۆ گۆت: كارێ وێنەگریێ گرێدای تەكنەلۆژیا سەر دەمە و تشتێ ڤە شارتی دچاڤكێ كامیرێ دا دیار دكەم، لەورا من ئەڤ كارە هەلبژارتیە و یێ بەردەوامم، راستە كارێ وێنەگریێ حەزا منە، بەلێ ئەو كارێ داهاتەك ژێ بهێت گەلەك یێ خۆشە و دا كو مرۆڤ بشێت یێ بەردەوام بیت و داهێنانێ دكارێ خوە دابكەت.
ناڤهاتی گۆت: ئەو كەس نە یێ سەركەفتی یە هەكە رەخنە ل كارێ وی نەهێتە گرتن، رەخنە ل من ژی هاتیەگرتن و من ب سنگەكێ بەرفرەه وەرگرتیە، چونكو رەخنە مرۆڤی ئاڤا دكەت و پێشڤە دبەت و كارێ ڤیدیۆ فوتۆگرافەری دو كارن، راستە هەردو ب كامیرێ نە، بەلێ كارەكێ ژێك جوودایە و بۆ من ڤیدیۆ خۆشترە ژفۆتۆگرافەریێ و چەند سالێن دەستپێكا خوە من خۆبەش كاركریە و نوكە بۆ من داهاتەك ژی دهێت.
