دانعەمرەك ل ژیێ 84 سالیێ گولان ئاڤ ددەت
سەباح زوهێر:
عەبدولكەریم مراد، دانعەمرەكە ل ژیێ 84 سالیێ ل تاخێ چووستەیایە یا كەڤنارە ل ئاكرێ، رۆژانە گولێن ڤی تاخی ئاڤ ددەت، ژبەركو ئەڤ گولە د وەرزێ هاڤینێ دا پێدڤی چاندنێ نە و ئەز رادبم ب ئاڤدانا وان گولان وەكو پشتەڤانیەك بۆ مانا وان گۆلان و جوانكرنا تاخێ مە،چونكی ڤان گولا سیمایەكێ جوان دایە ڤێ تاخی و خەلك ل دەڤەرێن جودا جودا بۆ وێنەگرتنێ قەستا ڤی تاخی دكەن.
ناڤهاتی گۆت: ئەڤە پێنجی سالن ئەز ئاكنجیێ ڤی تاخی مە و من ڤیانەكا مەزن بۆ باژێرێ خوە هەیە و ب ئاڤدانا ڤان ئەز خۆشیێ ژێ دبینم و چاڤدانا وان نیشانا پاقژی و مرۆڤێن دل پاقژە، لەوا ب دیتنا من پێدڤیە ئەم هەموو هەر ئێك ژلایێ خوە ڤە گرنگیێ ب دەینە چاندنا داران و گولن و پاراستنا ژینگەها خوە، داكو هەردەم ژینگەها مە ب جوانی بمینیت.
