365 بیرێن ئاڤێ ل گوندەكی هەنە
ل گوندێ هەرنێ تەمەت رۆژێن سالێ بیرێن ئاڤێ لێ هەنە و دانعەمرەكێ گوندی ئاشكرا دكەت كو دیرۆكا بیرێن گوندی گەلەك یا كەڤنە و دبێژیت: ژیێ من 67 سالن من نەدیتیە ئەڤ بیرە دەمێ هاتیە لێدان.
زەكەریا زبەیر، دانعەمرەكێ گوندێ هەرنێ یە بۆ ئەڤرۆ گۆت: گوندێ هەرنێ گەلەك یێ كەڤنە ل سەر دەمێ بەرێ بۆ پێدڤیا رۆژانەیا ژیانێ هژمارەكا ئێكجار زۆر یا بیرێن ئاڤێ هاتیە لێدان ب دەست هەتا نوكە وەك خوە ماینە و گوندی مفای ژێ دبینن دگەل دوو بێرێن دی ك پتر بۆ كەرتێ ئاژەلداریێ دهێنە ب كارئینان و ژبەر دیرۆكا كەڤنا گوندی كو دیار نینە لێدانا بیرێن ئاڤێ یێن چ دەمن بەلێ تەمەت رۆژێن سالێ بیرێن ئاڤێ لێ هەنە كۆ هژمارا وان 365 بیرن و هندەك ژی دبێژن 366 بیرن پتر ژ رۆژێن سالێ بیر بۆ پێدڤیا ژیانێ و ئاڤ ڤەخوارنێ هاتینە لێدان ل سەر دەمێ بەرێ هەتا نوكە و وەك خوە ماینە و كوراتیا وان ژ دەه بۆ پازدە مەترانە هەموو كوراتیا بیرێ ب بەرا هاتیە دروستكرن و ژلایێ سەری ڤە د بچووكن ژناڤ دا بەفرەهـ دبن هندەك بیرا ئاڤ لێ دزێت سالانە و هندەك ژی هشك دبن نوكە ژبەر پرۆژێن ئاڤێ خەلك كێمتر ب كار دئینن.
