شەیما مستەفا: رادیۆیا هێلین بوویە بنگەهەك بۆ پێگەهاندنا كچێن مەدیاكار
شاكر ئەتروشی:
مەدیاكار(شەیما مستەفا) ئەنداما مەكتەبا سكرتاریەتا ئێكەتیا ئافرەتێن كوردستانێ و رێڤەبەرا رادیۆیا هێلین ل هەولێرا پایتەخت، د دیدارەكێ دا بۆ رۆژناما ئەڤرۆ گۆت: نوكە گەلەك ژن خودان رۆلن د دەزگەهێن راگەهاندنێ دا، وەك بێژەر، پێشكێشكار، تەكنیكار، هەر چەندە هژمارا وان یا دەستنیشانكریە بەلێ رۆلێ وان یێ بەرچاڤە و ئەگەرێ رێڤەبەرێن ژی د دەزگەهێن راگەهاندنێ دا ئەز دبینم نە بەردەوامی دانە ب پیشەیا رۆژنامەڤانیێ و مخابن هەتا نوكە ل گەلەك دامودە و دەزگەهان زەلام سالاری یە، راگەهاندن ئێك ژوان بوارانە، بێ گومان ئەڤەژی غەدرەكە دهێتە كرن دەربارەی ژنێ و رێ لێ گرتنە.
رێڤەبەرا رادیۆیا هێلین، هێشتا گۆت: ب بەراورد ل گەل سالێن بۆری گوهۆڕینێن مەزن چێبووینە و رێژەكا بەرچاڤا كچ و ژنان هاتینە دناڤ كەنالێن راگەهاندنێ دا، بەلێ مخابن پشتی بەلاڤبوونا سۆشیال مەدیایێ ئەڤ پیشە بوویە چەقەكێ ریكلامكرنێ، هەروەسا گرنگی دان ب سیما و تایبەتمەندیێن دەرەكی ئێكە ژوان ئاستەنگێن كچ نەگەهشتیە ئاستێ پێدڤی و ئەڤەژی رێگریە هەمبەری وێ، بۆ زانین رادیۆیا هێلین بەس رادیۆیەك نینە، بەلكو بوویە بنگەهەك بۆ گەهاندنا شیانێن كچان، بێ گۆمان كەسێن پێدڤی یێن هەین، بەس نەبوونا پشتەڤانیێ و باوەری نەبوون ب شیانێن خوە نەگەهشتینە ئاستێ پێدڤی و هەر كەسەك دشێت ل سەر سەكویێن تۆرێن جڤاكی كەنالەكی ڤەكەت، بەلێ چ دەزگەه نینن خوە ل ئافرەتان بكەنە خودان و ئەڤە ژی جهێ مخابنیێ یە چ ناڤەند نینن خوە ل پرسێن ئافرەتان بكەنە خودان، هەروەسا تورەكا جڤاكی یا گرێدای ب ئافرەتان ڤە ل هەرێمێ نینە و ئەڤە ژی ئێك ژوان ئاستەنگانە.
