هەوال ئۆسمان: ئاستێ هونەری ل دەف مە یێ لاوازە
سولین سلێمان:
ئەكتەرا بەرنیاس (هەوال ئۆسمان) د دیدارەكێ دا بۆ رۆژناما ئەڤرۆ گۆت: حەزژێكرنا من بۆ هونەری ل ژیەكێ بچووك دەستپێكر، لەورا هەر ل وی دەمی وەك ئەكتەر من پشكداری د هندەك شانۆگەری و دراما و فلمێن سینەمایی دا كر، لێ پشتی من پشكداری د زنجیرە دراما گەردەلۆل دا كری، كو ئەز ب رۆلێ (ژالە) راببووم پتر خەلكەكی ئەز نیاسم و ئەڤە چەندە بۆ ئەگەر كو یا بەردەوامبم.
ناڤهاتی، كو خەلكا پارێزگەها سلێمانیێ یە، هێشتا گۆت: ژبەركو ئەز ماموستامە، هەروەسا مژوولی ئەنجامدانا هندەك كارێن بازرگانی مە و ئەڤ چەندە بوویە ئەگەر كو هەتا رادەكی ژ كارێن هونەری دووركەڤم و راستە مە نوكە ئەكتەر و دەرهێنەرێن باش هەنە، لێ ب دیتنا من ئاستێ هونەری ل هەرێمێ ب شێوەكێ گشتی یێ لاوازە، چنكو ئەڤە چەند سالن چو بۆدجێن تایبەت بۆ پێشڤەبرنا بۆارێ هونەری نینن، لەورا هەتا نوكە من چو بڕیار نەداینە كا دێ ڤەگەرمە بوارێ هونەری، یانژی دێ كارێ خوە یێ بازرگانی بەر ب پێشڤەبەم.
