ستران پەیاما مرۆڤایەتی و حەزژێكرنێ یە
هەرهین محەمەد:
سترانبێژ و مۆزیكژەن (چینەر سابر) د دیدارەكێ دا بۆ رۆژناما ئەڤرۆ گۆت: ئەڤە دەمەكە مژوولی چێكرنا كلیپەكێ مە و من ئامادەكاریێن تۆماركرنێ بۆ كرینە.
ناڤهاتی گۆت: هەر سترانبێژەك داخبارێ دەنگێ سترانبێژەكێ دی یە و بۆ من ژی دەنگ و ستایلێ هونەرمەند بلند ئیبراهیم یێ خۆش و جوانە و سترانا دبێژم دەربرینەكە ژ ئەوان تشتێن د ناخێ من دا و من چ مفایێن مادی ژ ستران گۆتنێ نە دیتی نە، بتنێ مفایێن مەعنەوی نەبن و سترانبێژی دڤێت ستایلەكێ تایبەت هەبیت و ل سەر ستایلەكی بچیت نەكو هەموو ستایلان بێژیت و سترانگۆتن تشتەكێ سادە نینە وەكو پەیاما مرۆڤایەتی و حەزژێكرنێ یە و ئەز وەسا تەماشەی سترانێ دكەم ستران نە وەسایە هەركەسەكێ هەبیت مرۆڤ سترانێ ل گەل بێژیت و دەنگێ وی ل گەل دەنگێ مرۆڤی نەگونجیت و هەر هوزانەكا من دیتی و من نڤیسای من گۆتیە و بوویە ستران و سوپاسیا هەرلایەكی دكەم كو هاریكاریا من كری د هەر بیاڤەكێ هونەری دا ب تایبەت ماموستا سەلام رەشید گەلەك هاریكاریا من كریە.
