ژ بەر ستایلێ من یێ جلكان رەخنە ل من دهێتە گرتن
سترانبێژ سالح عەبدولواحد، دیدارەكێ دا بۆ بەرپەرێ هونەری یێ رۆژناما ئەڤرۆ دیاركر كو ئەو مژوولی كلیپكرنا سترانەكا هونەرمەند عەبدلواحد زاخۆیی یە كو ل سالا 1995 هاتبوو گۆتن بناڤێ (برێسە تەڤنێ ئەڤینێ) كو ژ پەیڤێن ئازد عەبدوللا و دەرهێنان و سپونسەر لانا پرۆدەكشن و ل باژێرێ ئاكرێ هاتیە وێنەكرن و نوكە د قووناغا مۆنتاژێ دایە و ژڤانە ل دەمەكێ نێزیك بهێتە بەلاڤكرن.
سالحی گۆت: ئەز چو كارێن دی نەشێم بكەم ژ بەر كو سترانبێژێ دەواتامە و دڤێت بچمە دەواتان دا كو ژیانا خوە ببورینم و چوونا من بۆ دەواتا نەیا دەستنیشانكریە و هەر جار ب شێوەیەكی یە و خوەزی ئەڤ دیجەیە نەمابانە د ناڤ مەدا و مافێ سترانبێژێن دەواتان دهێتە خوارن و هەكە سترانبێژ بچیتە دەواتان باشترە و دەمێ ژیێ من یێ بچووك هەتا سێ رۆژا ل سەر ئێك من ستران گۆتینە و نەراوەستیایی مە.
ناڤهاتی گۆت: من گەلەك مفا ژ ستران گۆتنێ دیتیە و قوتابیێ قوتابخانا برایێ خوە مە و ژ لایێ ماددی ڤە من چو مفا ژ سترانگۆتنێ نەدیتیە و ئەڤە بتنێ خزمەتەكە بۆ هونەرێ من و برایێ من و ل گەل رەخنێ مە ل مرۆڤی بهێتە گرتن، بەلێ ب مەرجەكی رەخنە یا ئاڤاكەر بیت كو من بۆچ پاشناڤێ خوە كریە عەبدلواحد و مەرەما من ئەوە ناڤێ هونەرمەندێ خودێ ژێ رازی عەبدولواحدی بەرزە نەبیت، بەلێ هندەك جاران هەڤركیا من دهێتەكرن دەربارەی ستایلێ من یێ جلكان، یان بۆچ من رێبازا ئەوی گرتیە و هندی یێ ساخبم دێ ل سەر رێبازا ئەوی یێ بەردەوام بم.
