ڤێجان تەحسین: ئەز دشێم رۆلێ خوە د سینەمایێ ژی دا ببینم
هەرهین محەمەد:
ڤێجان تەحسین، ئەكتەرا دراما (داڤ) یا كو ب رۆلێ (خالەتا فەیرۆز) رابووی، د دیدارەكێ دا بۆ رۆژناما ئەڤرۆ گۆت: ژبلی هەڤالینیێ و پێكڤە كاركرنێ د دراما ناڤهاتی دا چو پەیوەندێن دناڤبەرا من و دلشاد چەمانی دا نینن.
هەروەسا گۆت: دبیت د درامایێ دا مرۆڤی رۆلەك بڤێت و دەرحەقێ وی رۆلی نە دەركەڤیت و دەرهێنەردزانیت كا كیژ رۆل دێ یێ سەركەفتی بیت و دەمێ رۆلێ فەیرۆزێ دایە من ب راستی من گەلەك حەزژێكر و خەلكی ژی حەزژێكر و هەكە تەماشەی درامایێ بكەن من وەسا خوە دیاردكر كو ژیێ من هەتا چل سالیێ یە و پشتی د دراما داڤ دا من پشكداری كری گەلەك دەرهێنەران داخواز ژ من كرینە و هەكە دەرهێنەر ل دەستپێكی سیناریۆیێ نیشا من بدەن دێ خوە د سینەمایێ ژی دا بینم و ل دەڤ من چ جوداهی نینە و چ رۆل بگێرم و یا گرنگ ئەوە ل گەل ستافی یا ئارام بم.
