من دڤێت ب چافكێ كامیرا خوە جوانیا دەڤەرێ وێنە بكەم
عەزیز هەورامی:
وێنەگر(هوگر ئەحمەد) كو ئاكنجیێ پارێزگەها هەلەبجەیە، د دیدارەكێ دا بۆ رۆژناما ئەڤرۆ دیاركر كو ژ بەر جوانیا سروشتێ دەڤەرێ دژیەكێ بچووكدا وی دەست ب گرتنا وێنەیان كریە و هەتا نوكە یێ بەردەوامە.
هوگری گۆت: ل دەستپێكێ من وینەیێن جهێن گەشتیاری و سروشتێ جوانێ دەڤەرا هەورامان و هەلەبجە دگرتن و ب رێیا مالپەرێن جڤاكی بەلاڤدكرن، هەروەسا بۆ هندەك مالپەرێن ئەمریكی و ئەلمانی و توركی و ئیرانی د هنارتن، من دو مەرەم بڤێ چەندێ هەبوون، یا ئێكێ سروشتێ جوانێ دەڤەرا خوە بۆ وان بدەمە نیشادان، یا دویێ ژی سەرنجا گەشتیاران راكێشم دا بهێن سەرەدانا ڤان جها بكەم من دڤێت ب چافكێ كامیرا خوە جوانیا دەڤەرێ تۆماربكەم و دێ بەردەوام بزاڤێ كەم ب رێیا وێنەیان بەرێ گەشتیارێن ئیراقێ و بیانی دەمە هاڤینگەهێن دەڤەرا خوە.
