ئەزو كچا خوە پێكڤە دێ د فلم و دراما دا پشكداربین
هەرهین محەمەد
مادلین ژار، ئەكتەرا باژێرێ زاخۆ، د دیدارەكێ دا بۆ رۆژناما ئەڤرۆ گۆت: ئەز ژ ئەكتەریێ دوور نەكەفتی مە، بەلێ كارێ زارڤەكرنێ و چالاكی ل زاخۆ گەلەك دكێمن و هەكە بەرهەمەكێ باش هەبیت ئەز یا ئامادەمە و ل ڤێ دووماهیێ گەلەك كەسان داخواز ژ من كریە و من رەتكریە، بەلێ من ل بەرە ئەز و كچا خوە پێكڤە كاربكەین د درامایان دا و دسەر ئەڤێ چەندێ ژی را من گەلەك گازندە هەنە و هەكە مرۆڤ كارەكی بكەت و و ئەو كارە ل سەر كیستێ مرۆڤی بیت ژی دڤێت مرۆڤ نە راوەستیت و من ل بەرە ل گەل ئەكتەرێن دهۆكێ كاربكەم.
دووڤدا گۆت: بۆ من جهێ شانازیێ یە كچا من (ڤێجان تەحسین) ددرامایەكا خومالی دا پشكداری كری و رۆلێ سەرەكی دگێرا و دەمی من ئەو دیتی بۆ من دیار بۆ ئەو ژ من زیرەكترە بۆ ئەكتەریێ، چونكو ژ مێژەیە كارێ ئەكتەریێ ئەز دكەم، بەلێ ئەو ژنیشكەكێ ڤە دەركەفت و ئەڤ چەندە گەلەكە بۆ ئەوێ، چونكو یا ئەوێ دەستپێكە.
