ئێڤاریەكا رەوشەنبیری ل بلێ
شاکر ئەتروشی:
ناڤەندا خانی یا رەوشەنبیری و راگەهاندنێ (پشكا رەوشەنبیری ) ب هەڤكاری ل گەل رێڤەبەریا رەوشەنبیری و هونەری ل بارزان، ل رۆژا سێشەمبیا بهێت رێكەفتی 22/8 دێ چالاكیەكا رەوشەنبیری ل هولا رێڤەبەریا رەوشەنبیری ل بلێ گێڕیت.
بەرنامێ وێ چالاكیێ ل دەمژمێر چاری ئێڤاری دێ ب سمینارا بەرێز (د. بێكەس بریفكانی) ئەوا ل ژێرناڤێ (شكەفتا شانەدەر و گرنگیا وێ یا شینواری و گەشت و گوزارێ) دەستپێكەت، سمینارا دویێ ژی دێ ژلایێ نڤیسكار (فاخر عەلی) ل ژێر ناڤێ (ڤەخواندنەك مەعریفی بۆ مەم و زیناخانی) هێتە پێشكێشكرن، د دوڤدا دێ رۆمانا (مەلە فەخری) یا نڤیسكار (كرمانجێ چالی) هێتە ئیمزاكرن، ل دووماهیێ ژی چەند پرتووك ژ وەشانێن ناڤەندا خانی نە ب دیاری ل سەر بەرهەڤبویان دێ هێنە بەلاڤكرن.
