سۆزەك دا جەماوەرێ خوە
كاوین جیهاد تەحلاڤی:
پشتی كو بۆ جارا ئێكێ هونەرمەند (هەردی سەلامی) سەرەدانا باژێرێ دهۆكی كری و كونسێرتەكا سترانان پێشكێشكری، سۆزدا ل دەمەكێ نێزیك سترانەكێ ب زارێ كرمانجی بێژیت و دێ كلیپ ژی كەت.
ناڤبری، كو خەلكێ پارێزگەها سلێمانیێ یە و چەندین ستران و كلیپ هەنە، د دیدارەكێ دا بۆ رۆژناما ئەڤرۆ گۆت: ئەز گەلەكێ كەیفخۆشم كو نێزیكی سێ هزار كەسان ل كونسێرتا من بەرهەڤببون و ب راستی من نە دزانی من هندە جەماوەر یێ ل دەڤەرا بەهدینان هەی، لەورا وەك رێزگرتن بۆ وی خەلكی من بڕیار دا سترانەكێ ب كرمانجی بێژم و دێ بزاڤێ كەم ل دهۆكێ كلیپ بكەم، بۆ زانین ژبلی سترانگۆتنێ ئەز كارێ ئەكتەریێ ژی دكەم و من پشكداری د چەند فلمێن سینەمای دا كریە و هیڤیا من ئەوە دبۆارێ سینەما و سترانگۆتنێ دا خزمەتا هونەرێ كوردی بكەم.
