هەبوونا مامۆستایێن رەگەزێ بەرامبەر ئاریشە پەیدا كرینە
هەولێر، قائید میرۆ:
بەرپرسەكێ ئێكەتیا مامۆستایێن كوردستانێ پشنیار دكەت ل هەرێما كوردستانێ ژی بڕیار بهێتە دان لدۆر مامۆستایێن قوتابخانەیێن كچان و گۆت: هەبوونا مامۆستایێن رەگەزێ بەرامبەر ئاریشە پەیدا كرینە و پێدڤیە پێداچوونەك بهێتە كرن چونكی مامۆستایێن زەلام ل قوتابخانێن كچان چەندین ئاریشە پەیدا كرینە.
ئەحمەد كەركوكی،ئەندامێ سكرتاریەتا ئێكەتیا مامۆستایێن كوردستانێ بۆ رۆژناما ئەڤرۆ گۆت: (مە داتا و ئامار ل بەردەست هەنە كو هەبوونا مامۆستایێن رەگەزێ بەرامبەر ل قوتابخانێ ئاریشە پەیدا كرینە، بۆ نموونە ل قوتابخانا كوڕانمامۆستایا كچ هەبوویە هەڤروشی ژلایێ كوراڤە پێ هاتیە كرن و بەروڤاژی ماموستایێن زەلام هەبوینە ئیزعاجا كچان كریە و حەتا پەیوەندی ل گەل دروست كرینە).
كەركوكی دیار ژی كر، ژلایێ پەروەردەیی باشترە كچ و كوڕ بهێنە جودا كرن و مامۆستایێن وان ژی جوداب ن مامۆستایێن ژن بچنە قوتابخانێن كچان و یێن زەلام ژی بۆ قوتابخانێن كوڕان، ئەڤە ژی كو ژلایێ پەروەردەیی و زانستی دێ مفایێ خوە هەبیت ژلایێ ئازادیێ ڤە دێ باشتر بیت، دناڤا پروگرامێن خواندنێ هندەك بابەتێن زانستی هەنە مامۆستایا ژن یان كچ نەشێت وەكی خوە ئەڤی بابەتی بێژیت و گۆت: (چونكی بابەتێن گرێدایی زەلامانن و بۆ مامۆستایێن ژن كارەكێ ب ساناهی نینە دناڤا هژمارەكا قوتابیێن كوڕ ئەڤی بابەتی شرۆڤە بكەت و گۆت: (بتایبەتی ل پۆلێن 11 و 12ی ئامادەیی مە بەلگە هەنە ئاریشێن جڤاكی پەیدا بووینە).
ئەحمەد كەركوكی گۆتژی: (مە چەندین بەلگە هەنە رێڤەبەر زەلام بوویە و ئاریشە بۆ مامۆستایا ژن پەیدا كریە، ئەركێ وەزارەتا پەروەردێ یە لیژنەیەكا بسپۆر پێك بینیت بۆ جوداكرنا مامۆستایێن ژن و یێن زەلام، بتایبەتی وانەیا وەرزشێ دەمێ مامۆستایێ وەرزێ یێ قوتابخانا كچا زەلام بیت قوتابی نەشێت یا ئازاد بیت بۆ راهێنانێن وەرزشی، پێدڤیە كۆنفڕانسەك بهێتە كرن و هەلسەنگاندنەكا زانستی ژلایێ زانستی و جڤاكی و دەروونی بهێتە كرن و دووڤدا بڕیار لدۆر جوداكرنا مامۆستا بهێتەدان).
