دەمێ وێنەیەكی دگریت هەست ب ئارامیێ دكەت
عەزیز هەورامی:
وێنەگر (بەهرە كەریمی) كو ژ پارێزگەها حەلەبجە یە، د دیدارەكێ دا بۆ رۆژناما ئەڤرۆ دیاركر كو ل سالا 2017 وێ دەست ب كارێ وێنەگرتنێ كریە و پشتی سالەكێ كامیرەیەكا تایبەت بۆ خوە پەیداكریە و پتریا وێنەیێن ئەو دگریت یێن سروشتێ جوانێ وێ دەڤەرێ نە.
ناڤهاتی دبێژیت: دەمێ ئەز وێنەیەكی دگرم هەست ب ئارامیێ دكەم، هەروەسا وەسا خوە دبینم كو كەسەكا جودامە، چنكو هەمو هزرێن من ل سەر وێ چەندێ نە دێ چاوا وێنەیەكی گرم و ئەو وێنە یێ پری داهێنان بیت، بۆ زانین هەتا نوكە من چو پێشانگەهێن تایبەت نەڤەكریە، بەس من پشكداری د دەه پێشانگەهێن هەڤپشك دا كریە و وێنەیێن هاتینە نیشادان هەموو یێن سروشت و شوونوار و جێن گەشتیاری یێن دەڤەرێ نە و بزاڤێ دكەم وان وێنەیان ل كەنالێن راگەهاندنێ نیشابدەم دا بەرێ گەشتیاران بدەمە حەلەبچە.
