وێنەیێن 30 هزار پێشمەرگەیێن ئیلۆن و گولانێ كۆمكرینە
شاكر ئەتروشی:
حەسەن ئەحمەد عەبدولكەریم، كو ب (حەسەن بادی) یێ بەرنیاسە، نێزیكی دەه سالانە مژوولی كۆمكرنا وێنەیێن پێشمەرگێن شۆڕەشێن ئیلۆن و گولانێ یە و هەتا نوكە نێزیكێ (30) هزار وێنەیان كۆمكرنە و ب گۆتنا وی هەكە پشتەڤانیا وی بهێتەكرن دێ هەموویان وەك ئەلبۆمەكا مەزن چاپكەت.
حەسەن بادی، كو نوكە وەك كادر ل لژنا كۆماتە سەر ب سنۆرێ لقێ ئێكێ پارتی ڤە كاردكەت، بۆ رۆژناما ئەڤرۆ گۆت: وێنەیێن ئەز دكۆم دكەم هەموو یێن پێشمەرگەیێن سالا 1961 هەتا 1991 نە، ئانكو ژ ئیلۆنێ هەتا گولانێ، هندەك ژوان رەشی و سپی نە یێن دی ژی د رەنگا و رەنگ د (ملون) ن، هندەك من ژ هەڤالان كۆمكرینە و هندەك ژی بەرپرسان بۆ من فرێكرینە و هیڤیا من ئەوە رۆژەك بهێت ئەم بشیێن مفای ژڤی ئەرشیفێ مەزن ببینین، بۆ زانین من فەیسبوكەك هەبوو نێزێكی (45) هزار وێنەیێن پێشمەرگەی و پوستان تێدا هەبوون بەلێ ب مخابنی ڤە ل سالا 2019 هاتە هاككرن.
