دخوازم گەنجێن مە كەسایەتیا خوە ئاڤا بكەن
دلڤین رەشید:
سەلام سەبری، گەنجەكێ كۆمەلگەها خانكێ یە، د دیدارەكێ دا بۆ رۆژناما ئەڤرۆ گۆت: ئەڤە نێزیكی دوازدە سالانە ئەز كارێ سەرتەراشیێ دكەم و ل دووف سەردەمی ستایلێن نوو یێن تراشینا پرچێ بۆ گەنجان چێدكەم.
ناڤهاتی گۆت: دگەل گۆهۆرینا دەمی دڤێت سەرتەراش ژی خۆ بگۆهۆڕیت و بەردەوام داهێنانێ د كارێ خۆ دا بكەت، چونكی رۆژ بۆ رۆژێ ستایل و مودێلێن نوو پەیدا دبن و داخوازیێن گەنجان ژی ل سەر ڤێ چەندێ گەلەلەك هەنە ، لەورا یا گرنگە ئەم پترخۆ ب وەستینین دكارێ خۆ دە و خۆ فێری تەكنیكێن نوو یێن سەرتەراشینێ بكەن و فەرە پشتەڤانی ل هەر گەنجەكێ خودان شیان بهێتە كرن و دخوازم گەنجێ مەژی بزاڤێ بكەن كەساتیا خوە ئاڤا بكەن و شیانێن خۆ ژبۆ ئارمانجێن خۆ بكاربینن و ببنە خودان كارێن خۆ یێن تایبەت.
