فلمێ (مەرگ و چارەنووسی من) ب دووماهی هات
دەرهێنەر(حسام یوسفی) د دیدارەكێ دا بۆ رۆژناما ئەڤرۆ دیاركر كو وی فلمێ خوە یێ دكیۆمەنتاری (مەرگ و چارەنوسی من) كو ل سالا بۆری ل هەرێما كوردستانێ دەست ب وێنەكرنا وی هاتبوو كرن ب دووماهی ئینا و هیڤی خواستن ب دلێ بینەران بیت.
ناڤهاتی گۆت: ناڤەرۆكا فلمی ل دۆر دو ژنێن چالاكڤانن، ب ناڤێن (بهار مونزیر و لاوە محەمەد) كو دوقچوونێ بۆ دوسەیا كوشتنا ژنەكێ دكەن، كو ژ ئەگەرێ شەرەفێ ژلایێ برایێ وێڤە هاتبوو كوشتن، بنەمالا وێ ژنێ خوە ژ یاسایێ دپارێزن و بزاڤێ دكەن وێ تاوانێ ڤەشێرن هەتا بكوژ ژ زیندانێ دهێتە ئازادكرن، بەلێ ئەو هەردو چالاكڤان بزاڤێ دكەن بنەمالا ئەو ژنا هاتیە كوشتن سكالایێ ل سەر بكوژی تۆماربكەن دا هەتا هەتایێ بهێتە زیندانكرن، لێ بنەمالا وێ لێ خۆش دبن و دادگەه ژی بڕیارا حەفت سالێن زیندانكرنێ بۆ بكوژی ددەت.
