كەنالەكی خۆزیا من كرە راستی
جەگەر بەلۆ، پێشكێشكارێ بەرنامێ ستایل ل كەنالێ ئەی تی ڤی، د دیدارەكێ دا بۆ رۆژناما ئەڤرۆ گۆت: راگەهاندن بیاڤەكێ بەرفرەهە و ئەز باوەرناكەم كو ئەز بشێم تشتەكێ وەسا بەرچاڤ لێ زێدەكەم، بەلێ هەرچاوا بیت ئەز یێ پشكداری بیاڤەكێ ئاڤاكەم و بخێرا ئەڤی بیاڤی دشێم كەسایەتییا خوە زێدەتر ئاڤا بكەم و ژبلی كاری َراگەهاندنێ ئەز ماموستامە، بەلێ حەزژ راگەهاندنی َدكەم و ژمێرە حەونا من بوو دناڤ راگەهاندنێ دا كاربكەم و تشتەكێ باش بینمە هەبوونێ.
هەروەسا گۆت: بەرنامەیێ من تاما خۆشیی َو مژوولكرنێ تێدایە و چو جاران من هزرنەكریە راگەهاندنێ وەكو ئالاڤەكی ب كاربینم كو پێ ب گەهمە هندەك ئارمانجێن مادی و هەرچەند ئەز ئەوێ چەندێ خەلەت نابینم، بەلێ ل گورەی هندەك پیڤەرو ئەخلاقیاتان بن و بەری نوكە ژی من ل كەنالی َوارتیڤی كاركریە وەكو پرۆدیوسەر و رێكخەرێ بەرنامەیان، بەلێ ئەو خۆزێن من هەین كەنالێ ئەی تی ڤی ئەز گەهاندیمێ،
راستە رەخنە دیاردەكا ساخلەمە و رێیەكا باشە مرۆڤ پێ پێش بكەڤیت و كێماسێن خوە كێم بكەت، بەلێ ب راستی هەتا نوكە توشی رەخنەكا وەسا نەبوویمە كو یا ژ هەژی بیت و ل سەر ب راوەستم و هەلبەت ئەڤە ئەوێ چەندی َناگەهینت كو من چ كێماسی نین، بەلێ ستایلێ بەرنامەیی َمن هند رەخنە لێ ناهێنە كرن.
