حەسەن عارف: پرۆسا هەلبژارتنا فلمان بۆ گەڕا دەهێ یا فلمە فیستەڤالا دهۆك یا نێڤدەولەتی ب دووماهی هات
رێوار محەمەد رەشید:
حەسەن عارف، بەرپرسێ راگەهاندنێ ل گەرا دەهێ یا فلمە فیستەڤالا دهۆك یا نێڤدەولەتی بۆ بەرپەرێ هونەری یێ رۆژناما ئەڤرۆ دیار كر كو پشتی دەرگەهێ وەرگرتنا فلمان بۆ گەڕا دەهێ یا فلمە فیستەڤالا دهۆك یا نێڤدەولەتی ل رۆژا 10/6/2023 هاتیە ڤەكرن ل رۆژا 1/9/2023 دەرگەهێ ناڤهاتی هاتەگرتن.
ناڤهاتی ئاماژە دا وێ چەندێ كو پشتی ئەو دەمێ بۆ وەرگرتنا فلمان هاتیە دەستنیشانكرن ژمارەكا باش یا فلمێن كوردی و بیانی گەهشتینە ئۆفیسێن فلمە فیستەڤالا ناڤهاتی و ل رۆژێن بوری پرۆسا هەلبژارتنا فلمان ژ لایێ لیژنا ڤاڤارتنا فلمان ڤە ب دووماهی هات و ل دەمەكێ نێزیك ئەو فلمێن هاتینە هەلبژارتن دێ هێنە ئاگەهداركرن و گۆت: «ژڤانە گەڕا دەهێ یا فلمە فیسستەڤالا دهۆك یا نێڤدەولەتی ل رۆژا 9/12/2023 دەستپێبكەت و هەتا رۆژا 16/12/2023 یا بەردەوام بیت».
