هیڤیا وی ئەوە ببیتە سترانبێژەكێ ئەكادمی
هەرهین محەمەد:
محەمەد جەحفەر محەمەد، بەهرەمەندەكێ باژێرێ دهۆكێ یە، بۆ دەمێ چەندین سالانە ئارەزویا مۆزیكێ و سترانگۆتنێ ل دەڤ پەیدابوویە، ددیدارەكێ دا بۆ رۆژناما ئەڤرۆ دبێژیت: بابێ من لێدەرێ ئامیرێ عودێ یە و دەمی وی مۆزیك دژەنی و د بەرا ستران دگۆتن، ئەوێ چەندێ حەز ل دەڤ من ژی پەیداكر و هێدی هێدی ئەوی ئەز فێركرم و بۆ من وەكو ماموستایەكی بوو، من گەلەك جاران ل ئاهەنگێن قوتابخانێ م ستران دگۆتن و مۆزیك دژەنی و هەتا كو ب رێیا كەنالێ وارتیڤی بەرنامەك هەبوو ب ناڤێ شەیدا ل وێ سالێ گەلەك یێ بچووك بووم، من ب سترانگۆتنێ پشكداری كر و هەتا قوناغا سیێ ژی من دەربازكر.
هەروەسا گۆت: پشتەڤانێ من یێ سەرەكی بابێ منە كو پتر راهێنانان بكەم و مۆزیكێ ب ژەنم، نوكە دو ئامیران دزانم ب ژەنم (ساز و عودێ) هیڤیا من ئەوە خواندنا خوە ب دووماهی بینم و بمە هونەرمەندەكێ ئەكادیمی.
