كەڤالێن وی دەربڕینێ ژكلتۆرێ ئێزدیان دكەن
دلڤین رەشید:
شێوەكار(حەجی شێخ میرزا) د دیدارەكێ دا بۆ رۆژناما ئەڤرۆ دیاركر كو ئەو خەلكێ دەڤەرداریا شنگالێ یە، دژیەكێ بچووك دا دەست ب چێكرنا وێنەیان كریە و جینۆسایدا ئێزدیان ژی نەبوویە رێگر ل هەمبەر كارێ وی، بەلكو پتر ئەو هاندایە ب رێیا چێكرنا كەڤالان ئێش و ئازارێن ئێزدیان ب گشتی و كچ و ژنێن رەڤاندیێن دەستێ داعش ب تایبەتی ب جیهانێ بگەهینیت.
ناڤهاتی گوت: ل دەستپێكی پتر من گرنگی ب وێنەین كلتۆرێ ئێزدیان ددا، بەلێ پشتێ وێ جینۆسایدا ب سەرێ مللەتێ ئێزدی هاتی نەچاربووم وان دیمەنێن دلهەژین ب رێیا كەڤالێن خوە بدەمە دیاركرن و هەتا نوكە من پشكداری د چەندین پێشانگەهان دا كریە و چولایەنەكی پشتەڤانیا من نەكریە كو بشێم كارێ خوە بەرفرەهتر لێ بكەم و ئەوا هاتیەكرن ژی ل سەر كیستێ من بوویە، هندەك جاران ژمن دهێتە داخوازكرن كو وێنەیێن كەسوكی چێكەم و د بەرامبەر دا داهاتیەكی كێم ددەنە من، بتنێ ئەڤەیە داهاتی كارێ من، لەورا داخوازێ ژ جهێن پەیوەندیدار دكەم پشتەڤانیا هونەرمەندان بكەن.
