ئەڤرۆ (ئەلبۆمەكا مۆزیكێ) دێ هێتە بەلاڤكرن
هەرهین محەمەد:
ب پشتەڤانیا د. عەلی تەتەر پارێزگارێ دهۆكێ و ب هەلكەفتا رۆژا جیهانیا مۆزیكێ، رێڤەبەریا گشتی یا رەوشەنبیری و هونەری ل دهۆكێ، رێڤەبەریا هونەرێ مۆزیكێ، ئەڤرۆ ل دەمژمێر پێنجی ئێڤاری دێ كونسێرتەكا مۆزیكێ ل هولا محەمەد عارفێ جزیری گێڕیت، هەروەسا دێ ئەلبۆمەكا مۆزیكێ ژی هێتە بەلاڤكرن.
ژێگر سەمیر، رێڤەبەرێ هونەرێ مۆزیكێ ل دهۆكێ بۆ ئەڤرۆ گۆت: رۆژا جیهانیا مۆزیكێ ب ئامادەبوونا گرۆپەكێ مۆزیكێ دێ هێتە ساخكرن، هەروەسا ئەلبۆمەكا مۆزیكێ یا هونەرمەندێ مۆزیكژەن (مێهڤان ئەمین) كو ژ نەهـ تراكان پێكهاتیە هێتە بەلاڤكرن.
