وێنەگری جیهانەكا تایبەتە
هەرهین محەمەد:
وێنەگر(ئەحمەد ئامێدی) كو ل گاڤ نیۆز كار دكەت، د دیدارەكێ دا بۆ رۆژناما ئەڤرۆ گۆت: وێنەگری جیهانەكا تایبەتە و ئەوجیهانە بەسە مرۆڤی ب چاڤكێ كامیرا خوە ب بەخشیت و وێنەگریێ هەرتشتەك هەیە د ژیانێ دا دایە، من خۆشی و نەخۆشی ب رێیا چاڤكێ كامیرێ من نیاسینە و هەر كەسەكێ وێنەی بگریت وێنەگرە، چونكو نوكە گوشە و بابەت تشتەكن ددەمی، كارێ پرۆفشینالدا، بەلێ گەلەك روودان هەنە كەسەكی وێنەكریە، یان وێنە بۆ گرتینە و دبیت نە وێنەگر بیت، بەلێ بوویە ترێند و ل سەرانسەری جیهانێ دەنگڤەدایە و ئەڤ چەندە ژی ئەوێ دگەهینت كو نوكە هەموو كەس دبنە وێنەگر.
هەروەسا گۆت: رۆژانە دناڤ كاری دا وێنە و ڤیدیۆ هەبووینە كو پشتی بەلاڤبوونێ هەستەكێ دی بۆ مرۆڤی دروست دبیت ب تایبەتی ل دەمێ روودانان و گاڤ وێستگەهەكا دی یا كاری بوو، چونكو سۆشیال مەدیا جودایە ژ كارێ تەلەڤزیونێ و گەلەك ژ كارێ وێنەگریێ گۆهۆڕی یە و بەر ب لەزاتیێ چوویە و شكاندنا هندەك یاسایێن وێنەگریێ چوویە ب تایبەت ددەمێ روودانێن بلەزدا.
